Ylli Polovina in italiano
VENDLINDJA KU JETOJ DHE PUNOJ QYTETI I DY VAJZAVE TË MIA
PUBLICITIKË

ĒFARĖ FSHIHET PAS MUNGESĖS SĖ FOTOS PĖR NGRITJEN E FLAMURIT NĖ 28 NĖNTOR 1912?
AMERIKĖ, PSE TĖ DUAN KAQ SHUMĖ SHQIPTARĖT
FLAMURI QĖ U NGRIT NĖ VLORĖ DHE KASTRIOTI I PESTĖ, ALEANDRO
22 NĖNTOR 1944, QYTETI I TIVARIT: ARRATISJA E BALLIT KOMBĖTAR NĖPĖR NJĖ DET TĖ MINUAR
PASARDHĖSIT NĖ ITALI TĖ SKĖNDERBEUT NĖ KRYE TĖ MBROJTJES SĖ PAVARĖSISĖ SĖ PORSASHPALLUR
Artikuj të tjerë .....



kërkoni në këtë faqe



S'AFËRMI
MIRËSEVINI

Pse Musolini s’donte që Zogu të martohej me një Kastriotase


(Botuar në gazetën “Panorama” në 20 nëntor 2013)

Botohet libri për pasardhësit e Skënderbeut.

Ylli Polovina: Administrata e Mbretit i kërkoi në parim dorën një pinjolleje të heroit.

Gjatë diktaturës ata nuk i përmendte kush. Fundja nuk kishte se ç’u duheshin pasardhësit, kur kishin vetë heroin, të cilin e ngritën në përmasa mitike. Shumë pak dihet se ku kanë përfunduar sot pasardhësit e Gjergj Kastriot Skënderbeut. Pas lënies së Shqipërisë, prej pushtimit turk, për të shkuar përtej detit, pasardhësit e Kastriotit u shpërndanë nëpër Itali, ku hodhën degët e tyre. Për të mësuar më shumë për ta, studiuesi Ylli Polovina na sjell një libër të ri, të titulluar “Pasardhësit e Skënderbeut, si u mbajtën fshehur”. Polovina i rikthehet edhe një herë marrëdhënieve diplomatike të Skënderbeut me Venedikun, Napolin, Vatikanin… zhgënjimet e tij, braktisjen, lënien vetëm prej Papatit që vetë e kishte quajtur “Atlet të Krishtit”. Për të vijuar me pasardhësit, si u shpërndanë ata dhe cila ishte marrëdhënia me vendin amë. Gjatë periudhës së Zogut, sidomos kur Mbretit i kishte ardhur koha për martesë, Kastriotët u përmendën disa herë. Një herë nga oborri i Musolinit, por duket se ishte pikërisht ky i fundit që nuk ishte dakord për një krushqi të tillë, si dhe nga vetë Zogu, përfaqësues të të cilit i kishin kërkuar në parim njërës prej pinjollëve dorën për martesë. Por, siç dihet, asgjë nuk ndodhi. Dhe kandidatja e mundshme mbeti vetëm një e ftuar në dasmën e Zogut. Ndërsa më vonë, sipas Polovinës, komunistët tregoheshin indiferentë ndaj tyre, por kjo nuk do të thotë se nuk e ndiqnin veprimtarinë e Kastriotëve. Në një kohë që ata kishin vendosur lidhje me fraksionin antikomunist jashtë vendit, me Ernest Koliqin e Lec Shllakun. Pas rënies së diktaturës, kastriotë të vërtetë e të rremë u shfaqën në horizont, për të rivendosur lidhjen me Shqipërinë.

Alma Mile

Në një faqe të plotë të gazetës botohen edhe tri fragmente të shkurtra nga libri “Pasardhesit e Skënderbeut, si i mbajtën fshehur”

Version i printueshem
Faqja paraardhese

Kontakt: ylli@yllipolovina.com © 2007-2017 yllipolovina.com Webmaster: taulant@topciu.com